ROI Academy është në kërkim të një Trajneri/eje për Dizajn Grafik për të mbajtur trajnime praktike me pjesëmarrës që duan të zhvillojnë aftësi në dizajn vizual, përdorimin e mjeteve profesionale dhe ndërtimin e një portfolioje fillestare.

Ky rol është i përshtatshëm për persona që kanë përvojë praktike në dizajn grafik dhe kanë dëshirë të ndajnë njohuritë e tyre në mënyrë të strukturuar, të qartë dhe praktike.

Përgjegjësitë kryesore

Trajneri/ja do të jetë përgjegjës/e për:

• Mbajtjen e trajnimeve për dizajn grafik sipas programit të ROI Academy;
• Shpjegimin praktik të koncepteve bazë dhe të avancuara të dizajnit vizual;
• Trajnimin e pjesëmarrësve në përdorimin e mjeteve si Adobe Photoshop, Illustrator, InDesign, Canva ose mjete të tjera relevante;
• Përgatitjen dhe zhvillimin e ushtrimeve praktike gjatë trajnimit;
• Mbështetjen e pjesëmarrësve në krijimin e projekteve dhe portfolio-s;
• Dhënien e feedback-ut individual për punimet e pjesëmarrësve;
• Përshtatjen e metodologjisë së mësimdhënies sipas nivelit të grupit;
• Bashkëpunimin me ekipin e ROI Academy për përmirësimin e materialeve dhe përmbajtjes së trajnimit.

Kualifikimet dhe përvoja e kërkuar

Kandidati/ja ideal/e duhet të ketë:

• Përvojë praktike në dizajn grafik, branding, dizajn për rrjete sociale, print ose fusha të ngjashme;
• Njohuri të mira të programeve kryesore të dizajnit grafik, veçanërisht Adobe Photoshop dhe Illustrator;
• Aftësi për të shpjeguar qartë konceptet teknike dhe kreative;
• Portfolio me punime të realizuara;
• Aftësi të mira komunikimi dhe prezantimi;
• Qasje praktike dhe interaktive në mësimdhënie;
• Përvojë paraprake si trajner/e, ligjërues/e ose mentor/e konsiderohet përparësi.

Çfarë ofrojmë

• Mundësi bashkëpunimi me ROI Academy në Tiranë;
• Ambient dinamik dhe profesional;
• Mundësi për të kontribuar në zhvillimin e aftësive praktike të pjesëmarrësve;
• Bashkëpunim në projekte të ardhshme të trajnimit;
• Kushte të dakorduara në bazë të përvojës dhe formatit të angazhimit.